Main Khayal Hun Kisi Aus Ka

Main Khayal Hoon Kisi Aur Ka Mujhe Sochta Koi Aur Hai
Sar e Aina Mera Aks Hai Pass e Aina Koi Aur Hai

Main Kisi K Dast e Talab Main Hoon Tou Kisi K Harf e Dua Main hun
Main Naseeb Hoon Kisi Aur Ka Mujhe Maangta Koi Aur Hai

Kabhi Laut Aen Tou Na Puchna Sirf Dekhna Baray Gaur Se
Jinhay Rastay Main Khabar Hue K Ye Rasta Koi Aur Hai

Ajab Aitbar Be Aitbari K Darmiyan Hai Zindagi
Main Qareeb Hoon Kisi Aur K Mujhe JAnta Koi Aur Hai

Wohi Munsifon Ki Rivayatain Wohi Faislon Ki Ebaratain
Mera Jurm Tou Koi Aur Tha MujhePar Meri Saza Koi Aur Hai

Teri Raushni Meray Khad o Khal Se Mukhtalif Tou Nahi Magar
Tu Qareeb Aa Tujhe Dekh Loon Tu Wohi Hai Ya Koi Aur Hai

tujhe dushmanon ki khabar na thi, mujha doston ka pataa na tha
teri daastaan koi aur thi, mera vaakayaa koi aur hai

Jo Meri Riyazat e Neem Shab Ko Saleem Subh Na Mil Saki
Tou Phir Iss K Ma'ani Ye Huwe K Yahan Khuda Koi Aur Hai

Kabhi Kabhi Meray dil main Khaya Ata hai

Kabhi Kabhi Mere Dil Mein Khayal Aata Hai

Ke Zindagi Teri Zulfo Ke Narm Chao Mein

Guzarne Pati To Shadaab Ho Bhi Sakti Thi

Ye Ranj-O-Ghum Ki Syaahi Jo Dil Pe Chai Hai

Tere Nazar Ki ShuwaoN Mein Kho Bhi Sakti Thi

Magar Ye Ho Na Saka Aur Ab Ye Aalam Hai

Ki Tu Nahi Tera Ghum Teri Justaju Bhi Nahi

Guzar Rahi Hai Kuch Is Tarah Zindagi Jaise

Ise Kisi Ke Sahare Ki Aarzu Bhi Nahi

Na Koi Raah Na Manzil Na Roshni Ka Suraag

Bhatak Rahi Hai Andhero Mein Zindagi Meri

Inhi Andheron Mein Reh Jaunga Kabhi Kho Kar

Main Jaanta Hu Meri Ham Nafas Magar Yuhi

Kabhi Kabhi Mere Dil Mein Khayal Aata Hai